કક્કાવારી વર્ષ ૨૦૧૯ (ભાગ ૩)

 

આ યાદીમાં નવનીત સમર્પણ, શબ્દસૃષ્ટિ, પરબ, મમતા વાર્તામાસિક અને જલારામદીપ સામયિકોનાં વર્ષના તમામ અંકોમાં પ્રસિદ્ધ થયેલી કુલ ૩૨૩ વાર્તાઓ સમાવી છે. 

વિગતનું ફોર્મેટ: /લેખકનું નામ/ વાર્તાનું શીર્ષક/ સામયિક/પ્રકાશન મહિનો /વાર્તાનો વિષય એમ રહેશે.

સંક્ષિપ્ત રૂપોની સમજણ:  ન.સ.=નવનીત સમર્પણ, જ.દીપ= જલારામદીપ.

ભૂલચૂક લેવીદેવી.

###

કક્કાવારી ૨૦૧૯ ભાગ-૩ જેમાં  બ, ભ, મ, ય  અને ર થી શરુ થતાં નામધારી લેખકોની વાર્તાઓની યાદી અપાઇ છે.   

બ

બકુલેશ દેસાઇ: ૧. ડૂમો (જ.દી. જાન્યુઆરી): પિયરિયાંના ત્રાસથી અકાળે અવસાન પામેલી સ્ત્રીને એનો પતિ યાદ કરે છે. ૨. સહિયારું (જ.દી.જુલાઇ-હાસ્યકથા વિશેષાંક): વાર્તાસ્પર્ધામાં દામ્પત્યજીવનમાં ખટરાગ વિષે વાર્તા લખવા માટે તાલીમ લેતા એક લેખકની વાત.

બહાદુરભાઇ વાંક: ધક્કો (જ.દી.ડિસેમ્બર): બે મિત્રો લાંબા સમયે મળે છે; ભણવામાં જે હોંશિયાર હતો એ જીવનમાં નિષ્ફળ ગયો છે; જે ઠોઠ હતો એ સફળ થયો છે. 

બાદલ પંચાલ: એક પછી એક (ન.સ.એપ્રિલ અને જ.દી.મે): મનોવૈજ્ઞાનિક વિષય, માલિકીભાવથી પીડાતા યુવકની વાત.

બાબુ સુથાર: વાંસના બટન (મમતા, જુલાઇ, હોરર વિશેષાંક): વાર્તામાં વાર્તાની પ્રયુક્તિ. નાયિકાની બ્લાઉઝના વાંસના બનેલા બટન ક્યાંથી ક્યાં પહોંચે છે.

બીરેન કોઠારી: ચોવીસ કેરેટના માણસ હોવું એટલે... (જ.દી.જુલાઇ-હાસ્યકથા વિશેષાંક): સફાઈદાર જૂઠું બોલવું પણ એક કળા છે.   

બ: લેખકો: ૫ વાર્તાઓ: ૬

ભ

ડો. ભરત સોલંકી: કિચૂડ...કિચૂડ... (જ.દી.ઓક્ટો; દીપોત્સવી વિશેષાંક-૧): વરિષ્ઠ નાગરિકની સમસ્યા, એકલતા.

ભરતચંદ્ર શાહ: દીકરા દેવના દીધેલા (મમતા, જૂન): શોષણકર્તા શેઠિયા દ્વારા કર્મચારીની અંતે થતી કદર. 

ભારતીબેન બારડ: લાકડીનો ટેકો (મમતા, નવેમ્બર): સેવાભાવી ડો.શીલા અને કર્મશીલ ઉષાબેન સંચાલિત પ્રસૂતિગૃહનું વર્ણન.

ભી.ન.વણકર: ૧. ડામ (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): શરીર પરનાં ડામ કરતાં જાતિભેદનાં ડામ વધુ પીડા આપે છે. ૨. બોધિવૃક્ષ (જ.દી.ઓક્ટો; દીપોત્સવી વિશેષાંક-૧):  દલિત યુવક ગલિયાને પીપળા નીચે સંન્યાસી મળે છે જે પોતાના પૂર્વજન્મની કથા કહે છે. 

ભૂપેન્દ્ર વ્યાસ ‘રંજ’: ૧. મૃત્યુ જ મરી ગયું...! (જ.દી. જાન્યુઆરી): બીમાર માણસને લાગતો મૃત્યુનો ભય. ૨. દરિયો (જ.દી.મે): જીવનસાથી દરિયામાં ડૂબીને મૃત્યુ પામે એ પછી નવેસરથી જીવન શરુ કરતાં પ્રેમીઓની વાત.

ભૂષણ પંકજ ઠાકર: પૈશાચિક કિનારો (મમતા, જુલાઇ, હોરર વિશેષાંક): એક મહિલા પોલીસ અધિકારીને દરિયાકિનારે થતાં વિચિત્ર અનુભવ.

લેખકો: ૬ વાર્તાઓ: ૮

મ

મધુ રાય: મારે તારું મોં ચાખવું છે (ન.સ.ઓક્ટોબર-દીપોત્સવી): ફેન્ટેસી-સોશિયલ મીડિયા.

મણિલાલ હ. પટેલ: ૧. હરિકથા (શબ્દસૃષ્ટિ, જુલાઇ): સવર્ણ કોમના છોકરા અને કહેવાતી દલિત કોમની છોકરીની એક અધૂરી પ્રેમકથા. ૨. તોફાન (જ.દી.ઓક્ટો; દીપોત્સવી વિશેષાંક-૧): પ્રેમભંગની પીડા. નાયિકા વિનાનું ગામ નાયકને ઉજ્જડ ભાસે છે.

મનહર ઓઝા: રૂમ નંબર સી ૨૧૦ (મમતા, સપ્ટેમ્બર): અજાણ્યા સાથી જોડે અસુરક્ષિત સહશયન અને જાતીય સમસ્યાને આમંત્રણ. 

મનીષી જાની: કીડીશેઠ (મમતા, ફેબ્રુઆરી): કીડીઓને (રહિતોને) લોટ ખવડાવતા શેઠ (સહિતો).

મનોજ સોની: ડર (મમતા, ઓગસ્ટ): એક ગરોળીથી ડરી જઇને માઈલો દૂર ગયેલા પિતાને મા-દીકરી ઘેર પાછો બોલાવે છે.  

મનોજ સોલંકી: ૧. બાઇની જાત (જ.દી.જૂન): માસિક ચક્ર વિષે જાગૃત અને આર્થિક રીતે સ્વતંત્ર નાયિકા જૂનવાણી સાસુ સામે વિદ્રોહ કરે છે. ૨. ભૂંડી (જ.દી.સપ્ટેમ્બર): સંયુક્ત કુટુંબની સમસ્યાઓ 

મયૂર પટેલ: ૧. હાહરે લીલા’લેર (શબ્દસૃષ્ટિ, ઓક્ટોબર): અશિક્ષિત યુવતીની ભવિષ્ય અંગેની અસુરક્ષાની ભાવના. ૨. અઢી અક્ષર અધૂરપના (જ.દી.મે): વહેમી આદમીની વાત.

મહેન્દ્ર ચંદુલાલ ભટ્ટ: જીવતા સુભાષ (મમતા, મે): સુભાષચંદ્ર બોઝ જીવે છે એવી અફવા ફેલાવી પૈસા કમાતો ફેરિયો.

મહેશ ધીમર: અકળ મન નારીનું (જ.દી.ઓગસ્ટ): શિખંડીની એકોક્તિ.

માર્ગી સુહાસ પટેલ: આત્માની દહેશત (મમતા, જુલાઇ, હોરર વિશેષાંક): આત્મહત્યા કર્યા પછી નાયિકા પ્રેમીની બેવફાઈનો બદલો લે.

માવજી મહેશ્વરી: ૧. આષાઢ (શબ્દસૃષ્ટિ, ડિસેમ્બર): ગામડામાં ખેતીમાં કામ આવે એમ કરીને દીકરીને એનાં પિયરિયાં સાસરે વળાવતા જ નથી! ૨. રસ્તો અને પગ (જ.દી.ઓક્ટો; દીપોત્સવી વિશેષાંક-૧): મધ્યમવર્ગીય આદમીની નૈરાશ્યપૂર્ણ જિંદગીની કથની.

મૂળજીભાઈ પરમાર: પથરી (જ.દી.જૂન): દુષ્કર્મ કરવા આતુર મુખીનો શ્રમજીવી કન્યા દ્વારા પ્રતિકાર.    

મેઘા ત્રિવેદી: ૧. ગતિચક્ર (ન.સ.એપ્રિલ): ફેન્ટેસી, સાયફાય, લાગણીશૂન્ય વિશ્વની કલ્પના. ૨. બાફ (ન.સ.સપ્ટેમ્બર): પત્નીશોક પછી સ્મૃતિભ્રંશથી પીડાતા આદમીની વાત. ૩.અધૂરપ (પરબ, માર્ચ): બે બહેનોના સંબંધની વાત.

મોના લિયા વિકમશી: પૈસો (શબ્દસૃષ્ટિ, જુલાઇ): જીવનધોરણ સુધારવા  આવક વધવી જોઈએ.

મોહન પરમાર: ૧. ધૂળ (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): ઉચ્ચ વર્ણના લોકોની માનસિકતા પર વ્યંગ.  સફાઇવાળા હીરજીના કામથી ધૂળ ઊડે છે. એનાથી નફરત કરતાં કરતાં નાયક પોતે જ હીરજી બની ગયો એવું અનુભવે છે!  ૨. ધુંઆપુંઆ (જ.દી.ઓક્ટો; દીપોત્સવી વિશેષાંક-૧): ભ્રષ્ટાચાર કર્યાનો ડંખ.

મોહનલાલ પટેલ: જયાફતનો પૂર્વરાગ (જ.દી.ઓક્ટો; દીપોત્સવી વિશેષાંક-૧): શેઠે આપેલી મીઠાઇ ઘરકંકાસના કારણે ખાઇ શકાતી નથી.  

મ: લેખકો: ૧૬, વાર્તાઓ: ૨૨

ય

યશવંત કડીકર: ૧. કાઠિયાવાડી ભોજનાલય (જ.દી. જાન્યુઆરી): લોજવાળો પોતાના પરિચિતોને મફત જમાડ્યા કરે તો કમાશે શું? ૨. છાપ (જ.દી.ઓગસ્ટ): ધૂળેટીમાં કોઇને રંગી શકાય?

યોગેશ પંડ્યા: ધરમ કરતાં ધાડ પડી (જ.દી.જુલાઇ-હાસ્યકથા વિશેષાંક): નધણિયાતી થેલી મૂળ માલિકને પહોંચાડવા જતાં માલિકનું એક રહસ્ય એની પત્ની સમક્ષ ખુલ્લું થઇ જાય અને ભોળા મિત્રોએ ત્યાંથી ભાગવું પડે.

યોસેફ મેકવાન: જીવનનું સૌંદર્ય (જ.દી.નવેમ્બર દીપોત્સવી વિશેષાંક-૨): પોતાની કસુવાવડ થઇ ગઇ એ પછી કામવાળીની અનાથ બનેલી દીકરીને પોતાની સમજીને ઉછેરી.

ય: લેખકો: ૩ વાર્તાઓ: ૪

ર

ડો. રઈશ મણિયાર: શું જમાનો આવ્યો છે! (જ.દી.જુલાઇ-હાસ્યકથા વિશેષાંક):  સમય સાથે તાલમેલ રાખવો જરૂરી છે. 

રજનીકુમાર પંડ્યા: ૧. એક એક્સ-રે (ન.સ.ફેબ્રુ): સાવકા ભાઇને મહેમાન થતો અટકાવવાનો પત્ર. ૨. ક્યાંક સંતોક ક્યાંક કાન્તા (જ.દી.ઓક્ટો; દીપોત્સવી વિશેષાંક-૧): ગરીબ માબાપની કન્યાને સાસરિયાં પીડતાં હોય છે. ૩. મહાપુરુષ (મમતા, ડિસેમ્બર): પોતાના પૂર્વપ્રેમી માટે પત્નીના મનમાં નફરત પેદા થાય એવો કેસ લઇને એક અસીલ પ્રોફેસર આત્મારામ પાસે આવે છે. (આ લેખકની પ્રોફેસર આત્મારામ શ્રેણીની એક વાર્તા.)

રતિલાલ બોરીસાગર: મેલ કરવત (જ.દી.જુલાઇ-હાસ્યકથા વિશેષાંક): ઘેર બેઠાં પગાર મળ્યા કરે એ માટે આવતો જન્મ પણ ફાજલ ટીચરનો જ મળે એ માટે કાશીએ જઇને કરવત મૂકાવતા શિક્ષકની વાત.

રન્નાદે શાહ: ડસ્ટબિન (ન.સ.નવેમ્બર): તૂટતાં સંયુક્ત કુટુંબો.  

ડો.રમણ માધવ: તમે એને ઓળખો છો? (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): સરોગેસી/ માતૃપ્રેમ. આર્થિક-સામાજિક અસમાનતા. 

રમણ મેકવાન: ૧. બાવળી (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): ગામડાંમાં સ્ત્રીઓની શૌચ સમસ્યાની વાત. પડતર જમીન વેચાઇ જતાં સ્ત્રીઓની સમસ્યા શરુ થઇ. સ્વચ્છતા અંગે ટકોર  ૨. ભાગિયો (જ.દી.ઓગસ્ટ): બાળવિધવા જોડે પુનર્વિવાહનો પ્રસ્તાવ ૩. મદદ (જ.દી. સપ્ટેમ્બર): સત્કર્મ અને સદભાવના અંગેની સંદેશપ્રધાન વાર્તા. ૪. ઈચ્છામૃત્યુ: (મમતા, ઓગસ્ટ): એકલા પડી ગયેલા જે શિક્ષક જોડે સહશિક્ષિકાનું દિલ મળી ગયું તે કેન્સરમાં મૃત્યુ પામ્યા.

રમણ વાઘેલા: છૂટો ઘા (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): નાના બાળક પર અસ્પૃશ્યતાની વસમી અસર.

રમેશ ત્રિવેદી: તંતુ (જ.દી.ઓક્ટો; દીપોત્સવી વિશેષાંક-૧): ગેરકાયદે વિદેશ ગયેલાં યુવકો જે લાંબો વખત રજા પર સ્વદેશ આવી શકતાં નથી એમની પત્નીઓની થતી કફોડી સ્થિતિની વાત.

રમેશ દરજી: આઠ બિલાડી (મમતા, ઓક્ટોબર): જ્યાં ચમત્કાર ત્યાં નમસ્કાર. 

રવીન્દ્ર અંધારિયા: આધુનિક ભદ્રંભદ્ર (જ.દી.જુલાઇ-હાસ્યકથા વિશેષાંક): વાતચીતમાં સંસ્કૃત ભાષાના શબ્દો બોલવાના આગ્રહી સહપાઠી મિત્રની રસ્તા વચ્ચે મુલાકાત.

રવીન્દ્ર પારેખ: ૧. ફરી (ન.સ.જુલાઇ): બાળકો પાંખ આવતાં ઊડી જાય-વિરહવેદના. ૨. ફેબ્રુઆરી, ક્વિક માર્ચ, એપ્રિલફૂલ ને કમ વોટ મે (જ.દી.જુલાઇ-હાસ્યકથા વિશેષાંક): બારમાની પરીક્ષામાં સારું પરિણામ લાવવા માટે સંતાનને દબાણ કરતાં આતંકવાદી માતાપિતાની વાત. ૩. એકાક્ષી (જ.દી.ઓક્ટો; દીપોત્સવી વિશેષાંક-૧): માતા કાણી હતી એટલે ગમતી ન હતી. અંતમાં રહસ્ય ખૂલે. ૪. તથાસ્તુ (મમતા, ઓક્ટોબર): ફેન્ટેસી. બરફના ગોળાની લારીવાળા ચંદુને ભગવાન હાજરાહજૂર છે.

રાઘવજી માધડ: ૧. જલસા કરો જીવનલાલ (શબ્દસૃષ્ટિ, જાન્યુઆરી): આત્મહત્યા કરવા નીકળેલા માણસને કોઇ અટકાવે છે. મૃત્યુ અંગે ચિંતન-મનન. ૨. દબાણ (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): દલિતો પર ચારે તરફથી આવતાં દબાણની વાત. ૩. અનુભવ (જ.દી.નવેમ્બર દીપોત્સવી વિશેષાંક-૨): લગ્ન કરવા માટે અનિચ્છા ધરાવતી શિક્ષિત દીકરીને માતા મનાવી લે છે. ૪. કબીલો (મમતા, ફેબ્રુઆરી): પોતાના લીધે કબીલાને સહન કરવું ના પડે એ માટે નાયિકાનું આત્યંકિત પગલું.

રાજુ પટેલ: બીજો માણસ (મમતા, ફેબ્રુઆરી): નાયકનું આત્મસન્માન જાગૃત થાય છે ત્યારે શું થાય છે?

રાજુ બારૈયા ‘સાગર’: મમતા (મમતા, સપ્ટેમ્બર): રોજની જેમ કાગડો રોટલી ખાવા ના આવતાં નાયિકા ઉદાસ.

રાજુલ ભાનુશાળી: ભરોસો (મમતા, જૂન): ફોટોગ્રાફી સ્પર્ધામાં વિજેતા જાહેર કરે છે કે ફોટો પોતે નહીં, એના એક મિત્રે લીધો હતો,   

રાજેન્દ્ર પાઠક: દુર્ગાતાઈ (જ.દી. સપ્ટેમ્બર): સ્ત્રીજાગૃતિનું કામ કરતી સ્ત્રીનું રેખાચિત્ર

રાજેશ અંતાણી: ૧. તસ્કર (શબ્દસૃષ્ટિ, એપ્રિલ): અપહ્યત થયેલી મિત્રપત્નીને યોજનાબદ્ધ રીતે પાછી લાવી આપતા મિત્રની વાત (કચ્છી લોકકથાના આધારે) ૨. બફારો (જ.દી.ઓક્ટો; દીપોત્સવી વિશેષાંક-૧):  સંઘર્ષ વિનાની પ્રેમકથા.

રાધેશ્યામ શર્મા: ચિત્રગુપ્તના ચોપડે કાશ્મીર! (જ.દી.ઓક્ટો; દીપોત્સવી વિશેષાંક-૧):  સાચાબોલા કાકાનો પુનર્જન્મ કાશ્મીરમાં થાય એવું વરદાન મળે. 

રામ સોલંકી: માણસાઇ (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): માણસાઇની પરીક્ષામાં સવર્ણ યુવક નાપાસ થાય છે જયારે દલિત યુવક પાસ થાય છે.

રેખા સુનીલભાઈ ભીમાણી: આરતીટાણું (મમતા, મે): બાળક અને વૃદ્ધ વચ્ચેના સ્નેહભર્યા સંબંધની વાત.

રોશની ઘનશ્યામ પટેલ: વસંત ઋતુ (મમતા, એપ્રિલ): સત્યનો અસ્વીકાર કરતી સ્ત્રીની કરુણાંતિકા.

રોશની પાઠક: આશાલતા (જ.દી.જૂન): કામના સંદર્ભે થયેલાં પરિચયમાં કલેકટરના શ્રીમતીજી જોડે સ્નેહસંબંધ બંધાયો.

રોહિત વધવાણા: સુધા (શબ્દસૃષ્ટિ, સપ્ટેમ્બર): અક્ષમ યુવતીનો નોકરી માટેનો સંઘર્ષ.

ર: લેખકો: ૨૩ વાર્તાઓ: ૩૭

###

(યાદી અપૂર્ણ)