કક્કાવારી ૨૦૧૯ ભાગ ૨ 

વર્ષ ૨૦૧૯ ની ટૂંકી વાર્તાઓની યાદી (ભાગ ૨)

આ યાદીમાં નવનીત સમર્પણ, શબ્દસૃષ્ટિ, પરબ, મમતા વાર્તામાસિક અને જલારામદીપ સામયિકોનાં આખા વર્ષના તમામ અંકોમાં પ્રસિદ્ધ થયેલી કુલ ૩૨૩ વાર્તાઓ સમાવી છે. 

વિગતનું ફોર્મેટ: /લેખકનું નામ/ વાર્તાનું શીર્ષક/ સામયિક/પ્રકાશન મહિનો /વાર્તાનો વિષય એમ રહેશે.

સંક્ષિપ્ત રૂપોની સમજણ:  ન.સ.=નવનીત સમર્પણ, જ.દીપ= જલારામદીપ.

ભૂલચૂક લેવીદેવી.

###

ભાગ ૨ માં ત, દ, ધ, ન અને પ થી શરુ થતાં નામધારી લેખકોની વાર્તાઓની યાદી અપાઇ છે.   

ત

તારિણીબેન દેસાઇ: ઈલાજ કયો? (જ.દી.ઓક્ટો; દીપોત્સવી વિશેષાંક-૧):  એક સ્ત્રીને લગ્ન જીવનનાં પચીસ વર્ષ પછી પણ શારીરિક સુખ મળ્યું નથી.

ત: લેખક: ૧, વાર્તા: ૧    

દ

દક્ષા પટેલ: સ્ટોરરૂમ (શબ્દસૃષ્ટિ, ફેબ્રુઆરી): વરિષ્ઠ નાગરિકની અવહેલના. પુત્રને અભ્યાસ માટે ઓરડો જોઈએ છે એટલે દાદાજીને સ્ટોરરૂમમાં ધકેલી દીધા.

દક્ષા સંઘવી: મજાક (જ.દી.નવેમ્બર દીપોત્સવી વિશેષાંક-૨): દામ્પત્યજીવનમાં સ્વભાવફેરના લીધે ગેરસમજ અને તકરાર. 

દર્શના ત્રિવેદી: ઋણાનુબંધ (મમતા, ઓક્ટોબર): બીજા પુરુષ બહુવચન કથન શૈલીમાં દીર્ઘપ્રેમકથા. 

દર્શિતા જાની: એક તક (મમતા, મે):  માનવઅંગોનો વેપાર કરતી ટોળકી સામે જંગે ચડતા એક અપંગની વાત.

દલપત ચૌહાણ: ૧. ખાસડાં (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): સવર્ણોમાં મૃત્યુ પ્રસંગે દલિતોએ ખાસડાં ઊંચકવા એવા પ્રચલિત રિવાજ સામે વિદ્રોહ. ૨. દાઝ (જ.દી.ઓક્ટો; દીપોત્સવી વિશેષાંક-૧): સવર્ણ કોમના તલભા વિરુદ્ધ દાઝ. કાશી જઇને કરવત મૂકાવીને બીજો જન્મ કૂતરાનો માંગીને એના કુલે કરડવું છે!

દશરથ પરમાર: ૧. બંધારણ સભા-એક અહેવાલ (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): સમાજમાં સુધારાની આવશ્યકતા છે એવું સૂચવતી વાર્તા. ૨. તલાજીનું ખેતર (જ.દી.નવેમ્બર દીપોત્સવી વિશેષાંક-૨): કંપનીને જમીન વેચ્યા પછી ખેડૂતોની થતી બેહાલી.

દાન વાઘેલા: કરજદાર (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): પ્રગતિ થઇ ગયા પછી દલિત સમાજથી અંતર રાખતાં લોકો પર વ્યંગ.     

દિનકર જોષી: ૧. નૈમિષારણ્યનો નોળિયો (ન.સ.જાન્યુ): યુવાન પેઢીમાં સંસ્કારોનું અવમૂલ્યન ૨. ચિંતા નહીં કરતી (જ.દી.ઓક્ટો; દીપોત્સવી વિશેષાંક-૧): કરુણાંતિકા

દિલીપ ગણાત્રા: દાર્જીલિંગમાં (મમતા, ઓક્ટોબર): વ્યસની અને બેકાર પતિથી ત્રાસી નાયિકા નોકરીના સ્થળે માલિક જોડે સંબંધ રાખે. સાસરિયાંને જાણ થતાં નોકરી છોડવી પડે, લગ્નસંબંધ અને ઘરમાંથી પણ જાકારો મળે. 

દીના પંડ્યા: ૧. સાહચર્ય (જ.દી.જુલાઇ-હાસ્યકથા વિશેષાંક): કુટુંબીજનો અને પાડોશીઓ સહુ ભેગાં થઇને પ્રોફેસરના ભૂલકણા સ્વભાવની મશ્કરી કરે છે. ૨. મિશન ઈમ્પોસિબલ (જ.દી.નવેમ્બર દીપોત્સવી વિશેષાંક-૨): વરિષ્ઠ નાગરિકની સમસ્યા+અલગારી વૃદ્ધની કથા.

દીનુ ભદ્રેસરિયા: બીજ બદલો (મમતા, ફેબ્રુઆરી): પંચાયતની ચૂંટણીમાં સરપંચની બેઠક દલિતો માટે અનામત જાહેર થાય છે. 

દીપક રાવલ: ડોગી (શબ્દસૃષ્ટિ, જૂન): પતિ-પુત્ર વ્યસ્ત રહેતાં નાયિકા તરફ દુર્લક્ષ થયું એટલે નાયિકાએ ડોગી પાળ્યું.

દીવાન ઠાકોર: મીણબત્તી (પરબ, ઓગસ્ટ): મૃત સ્વજનની સ્મૃતિ.

દ: લેખકો: ૧૩, વાર્તાઓ: ૧૭

ધ

ધરતી દવે: અધૂરો પ્રેમ (મમતા, નવેમ્બર): ફેન્ટેસી. મદદકર્તા છોકરો તો દોઢ વર્ષ પહેલાં જ મૃત્યુ પામ્યો હતો!

ધરમાભાઇ શ્રીમાળી: ૧. છાલક (જ.દી. માર્ચ-એપ્રિલ સંયુક્ત અંક વસંત/દલિત વિશેષાંક): દલિતો પ્રત્યેની સવર્ણોની માનસિકતા હજી બદલાઇ નથી.  ૨. પીપળો (જ.દી.નવેમ્બર દીપોત્સવી વિશેષાંક-૨): પીપળાને બોલતો બતાવ્યો છે. ગોચરની જમીન પરનું દબાણ હઠે છે, દલિતોને ન્યાય મળે છે.

ધર્મેન્દ્ર ત્રિવેદી: ગમવું એટલે (શબ્દસૃષ્ટિ, સપ્ટેમ્બર): વિજાતીય પાત્રોનો એકબીજાને જોવાનો દ્રષ્ટિભેદ.

ધર્મેશ ગાંધી: ૧. ઘાટ વિનાની ગલી (જ.દી.નવેમ્બર દીપોત્સવી વિશેષાંક-૨): બનારસ ફરવા ગયેલા નાયકને ત્યાંની ગલીમાં મળી આવે છે દીકરીની એક ખાસ સખી. બંને એક સાથે જ ખોવાઇ ગયેલી. એ સખી અહીં વેશ્યાવ્યવસાયમાં પ્રવૃત્ત છે! નાયક વિમાસણમાં પડે: પોતાની દીકરી કયા હાલમાં હશે? ૨. દોખ્મે-નશીની (મમતા, ફેબ્રુઆરી): દીકરીના જન્મ પછી ક્રૂર અધિકારીનું હ્રદયપરિવર્તન.  ૩. ચીબરી (મમતા, જુલાઇ, હોરર વિશેષાંક): કથક પોતાના મૃત્યુનું વર્ણન કરે છે.    

ધીરુબેન પટેલ: ૧. એક કામ કર (ન.સ.ઓક્ટોબર-દીપોત્સવી): ગાંધીના અનુયાયીઓનું ભ્રમનિરસન ૨. પાર્ટટાઇમ દાદાજી (જ.દી.ઓક્ટો; દીપોત્સવી વિશેષાંક-૧): તુલસીદાસને સંબંધોની માયાજાળમાં ફરીથી બંધાવું નથી.

ધ: લેખકો: ૫ વાર્તાઓ: ૯

ન

નઈમ એમ. કાઝી: બાવીસ કિલોમીટર (જ.દી.મે): વિભાજનકથા.

નગીન વણકર: આકાશ (શબ્દસૃષ્ટિ, જાન્યુઆરી): મૈત્રીસંબંધ. મિત્રના મૃત્યુને કારણે નાહિંમત થયેલા મિત્રની વાત.

નટવર પંડ્યા: એક કિલો પેંડા (જ.દી.જુલાઇ-હાસ્યકથા વિશેષાંક): પ્રેમિકાએ શરત કરેલી કે મળવા આવે ત્યારે જોડે એક કિલો પેંડા લાવવા. પણ મળવાનું મોડું થતાં એક એક કરીને બધાં પેંડા ખવાઈ ગયાં!

નટવર હેડાઉ: ૧. ત્રીજા નંબરનું મડદું (જ.દી. ફેબ્રુઆરી): પ્રયોગાત્મક વાર્તા. મડદાં વાતો કરે છે! ૨. મનની સુંદરતા (જ.દી.જૂન): તનની નહીં પણ મનની સુંદરતા શ્રેષ્ઠ છે એવો સંદેશ આપતી વાર્તા.  ૩. ઈન્ટરનેટ (જ.દી. સપ્ટેમ્બર): ઇન્ટરનેટ પર પોર્નસાહિત્ય જોતાં પકડાઇ ગયેલાની આત્મહત્યા. ૪.  એન્કાઉન્ટર (મમતા, ડિસેમ્બર): એક નિર્દોષને એન્કાઉન્ટરમાં ગોળીએ દીધા પછી પોલીસ અધિકારીને થતો અપરાધભાવ. 

નયના મહેતા: સાવકીની સેલ્ફી (જ.દી. ફેબ્રુઆરી): સાવકી માં-બહેનનો ત્રાસ; મસિયાઈ બહેને ઇલાજ કર્યો. 

નવનીત જાની: ૧. બાપુજીનો દુઃખાવો (ન.સ.માર્ચ): વરિષ્ઠ નાગરિકની સમસ્યા. ૨. બાપુજી વિ.બાપુજી (ન.સ.ડિસેમ્બર): ભ્રષ્ટાચાર વિ. પ્રામાણિકતા.

ડો.નવીન વિભાકર: ૧. રૂમાલ (જ.દી. જાન્યુઆરી): આફ્રિકાસ્થિત ગુજરાતી કુટુંબ એક અનાથ બાળકને દત્તક લે. ૨. ચિંતા (જ.દી.જૂન): સંતાનોની ચિંતા કરતાં માતાપિતા.

નસીમ મહુવાકર: અધૂરું-મધુરું (જ.દી.ડિસેમ્બર): પતિના મૃત્યુ બાદ દીકરીઓને પરણાવી.

નરેન્દ્રસિંહ રાણા: બંધન (મમતા, જુલાઇ, હોરર વિશેષાંક): દસ હજારની શરત જીતવા નાયક ભૂતિયા વડ નીચે એક રાત ગુજારે છે.

નિયતી કાપડિયા: દિવ્યા (મમતા, જુલાઇ, હોરર વિશેષાંક): અકસ્માતમાં મૃત્યુ પામેલી દીકરી દોષિત ડ્રાઈવરને પકડાવી દે. 

નીતા જોશી: ૧. ઉકેલ વગરનો માણસ (પરબ, જુલાઇ): પત્ની, માતા અને પિતાની પ્રેમિકા એમ ત્રણ સ્ત્રીઓ વચ્ચે સમતુલન સાધતો માણસ.  ૨. શશીકાન્ત ગોળવાળો (જ.દી.નવેમ્બર દીપોત્સવી વિશેષાંક-૨): જે કન્યાએ એક સમયે શશીકાન્તનું માંગું નકારેલું એની જ પૌત્રી જોડે નાયકની દોહિત્રીનું ગોઠવાય છે.

નીતિન ત્રિવેદી: ૧. ગાલાખ્યાન (જ.દી.ઓક્ટો; દીપોત્સવી વિશેષાંક-૧): ક્રોધનો ઈલાજ. ૨. રિસાયણ (મમતા, સપ્ટેમ્બર):  રીસાવા માટે મરણિયા પ્રયાસ કરતો નાયક.

નીલમ દોશી: ૧. એક વાર્તા (જ.દી.ડિસેમ્બર): રાહ ભટકી ગયેલી દીકરીને ઠેકાણે લાવવા માતા પોતાના જીવનમાં કાલ્પનિક કટોકટી ઊભી કરે. ૨. ઈચ્છામૃત્યુ (મમતા, એપ્રિલ): મોહમાયાનો ત્યાગ કરવું સહેલું નથી હોતું.

નીલેશ રાણા: ૧. અને... (ન.સ.એપ્રિલ): અતૃપ્ત સ્ત્રીની વાત. ૨. અફસોસ (મમતા, જૂન): અનાથ બાળકો અને નિ:સંતાન માબાપોનું મિલન કરાવતી એજન્સી ચલાવતી મહિલાને ફોન આવે છે: હું તમારી ત્યજાયેલી દીકરી બોલું છું.  

નેહા રાવલ: જોડણીમાતાની કથા (મમતા, ફેબ્રુઆરી): ભાષા પ્રત્યે બેદરકારી દાખવતી આજની પેઢી વિષે કટાક્ષ કરતી હાસ્યવાર્તા. 

ડો.એન.એચ.કોરિન્ગા: રેંકડી (જ.દી.ડિસેમ્બર): શ્રીમંત વિ. ગરીબ. અકસ્માત પછી એક ગરીબે પોતાની રેંકડી પર નાયકને હોસ્પિટલમાં પહોંચાડીને જીવ બચાવ્યો.

ન: લેખકો: ૧૬, વાર્તાઓ: ૨૫

પ

પન્ના ત્રિવેદી: ૧. દાન (ન.સ.મે): પૈસાની લાલચે દીકરીને અયોગ્ય ઠેકાણે પરણાવી. ૨. સ્કિલ ઇન્ડિયા (ન.સ.નવેમ્બર): સરકારી યોજનામાં ભ્રષ્ટાચાર. ૩. વાર્તા બનતી નથી (ન.સ.ડિસેમ્બર): વાર્તામાં વાર્તા, પિતૃસત્તાક વ્યવસ્થામાં સ્ત્રીની અવહેલના. ૪. મૂછ (પરબ, ફેબ્રુઆરી): દલિતો જોડે અન્યાય. ૫. ઉત્ખનન (શબ્દસૃષ્ટિ, સપ્ટેમ્બર): ગામડાના ઘરમાં ખોદકામ કરતાં પ્રાચીન મૂર્તિનું મળી આવવું. એના લીધે ગામમાં મચેલા હોબાળાની વાત. લોભ-લાલસા વગેરે. ૬. વિનુનું ઘર (જ.દી.ઓક્ટો; દીપોત્સવી વિશેષાંક-૧):  નિ:સંતાન સ્ત્રી પ્રત્યે સમાજના અભિગમ વિષે પ્રશ્ન કરતી વાર્તા. ૭. ૧૯૯ ઓન્લી (મમતા, ઓગસ્ટ): છેવાડાના માણસને રદ્દ થયેલી ૫૦૦ ની નોટ આપીને છેતરતા શેઠિયાની વાત.

પવન ભટ્ટ: એક સંધ્યા (મમતા, એપ્રિલ): વાસ્તવિકતા અને ભ્રમણા વચ્ચે આવનજાવન કરતી ગૂઢકથા.

પરબતકુમાર નાયી: કંધોતર (શબ્દસૃષ્ટિ, ફેબ્રુઆરી): મિત્રપ્રેમ. ત્રણ દીકરીઓ પછી જન્મેલો પુત્ર કુપાત્ર નીકળ્યો એટલે જગતો દુઃખી થઇને  મર્યો. જગતાના મૃત્યુ પછી મિત્રવિરહમાં હેમતોજી મૃત્યુ પામ્યો. 

પરીક્ષિત જોશી: સોના-ગ્રાફી (મમતા, જાન્યુઆરી): ગેરકાયદે લિંગપરીક્ષણ અને ભૃણહત્યા.

પારુલ ખખ્ખર: ૧. ઢાંકણ (ન.સ.ફેબ્રુ): પિયરમાં પિતાની સ્મૃતિચિહ્નો નાશ પામે. ૨. ભેંકડો (પરબ, ઓક્ટોબર): અભાવો વચ્ચે ઊછરેલી અંજુ ત્રિભેટે ઊભી છે. એક રસ્તો એની વર્તમાન સ્થિતિનો, બીજો રસ્તો શિક્ષણ મેળવીને ઉન્નતિ કરવાનો અને ત્રીજો રસ્તો દેહવ્યાપારનો. ૩. સેવા (મમતા, જાન્યુઆરી અને એપ્રિલ): લાલાની સેવાનો વ્યવહારુ ઉપાય.

પારુલ કંદર્પ દેસાઇ: એકરૂપ (ન.સ.મે): ઘરેલુ હિંસાની શિકાર બનતી સ્ત્રી.

પિનાકિન દવે: અપરાધ અને સજા (જ.દી.ઓગસ્ટ): ઈશ્વરના ચમત્કારની કથા. લેણદાર એલફેલ બોલ્યો એટલે દેવાદારના ભગવાને પેલાને સળગાવી દીધો. અદાલતે આરોપીને નિર્દોષ છોડી દીધો.

પૂજન જાની: ખૂટતી કડી (જ.દી. જાન્યુઆરી): આજે પણ માતાપિતાની ઈચ્છા વિરુદ્ધ જઇને કેટલાંક સંતાનો પોતાની પસંદગીથી પરણી શકતાં નથી.   

ડો.પ્રફુલ દેસાઇ: ૧. ભરબજારે (જ.દી. ફેબ્રુઆરી): આજની દ્રૌપદીની વ્યથા. ૨. કલમી આંબો (જ.દી.મે): પાડોશની સ્ત્રીનું સરોગેટ મધર બનવું અને ક્થકનું નિ:સંતાનપણું.  ૩. વાટ ખૂટ્યાની વેળા: (જ.દી.ઓક્ટો; દીપોત્સવી વિશેષાંક-૧): ઘરના સભ્ય પાછાં આવતાં ઉદ્વેગ અનુભવતાં સ્વજનની વાત.

પ્રફુલ આર. શાહ:  ચાઈલ્ડ હસબન્ડ (મમતા, જાન્યુઆરી): અનૈતિક સંબંધની વાત.

પ્રણાલી અંજારિયા: મૈત્રી (મમતા, સપ્ટેમ્બર): કોલેજમાં ભણતી બે સખીઓની વાત.

પ્રભુદાસ પટેલ: ૧. વાવુડી (શબ્દસૃષ્ટિ, ડિસેમ્બર): ઘરના વડીલથી ખાનગીમાં છોકરાઓ જમીનનો સોદો કરી નાખે છે. ૨. મગરીવાળું ખેતર (જ.દી.ઓક્ટો; દીપોત્સવી વિશેષાંક-૧):  સરપંચના વાદે જમીન વેચવા તૈયાર થયેલા દીકરાના કારણે પિતાને આઘાત લાગે છે.

પ્રવીણ ગઢવી: ૧. નાગદહન (જ.દી. ફેબ્રુઆરી): પૌરાણિક કથા. ૨. રત્નાકર મંથન (જ.દી.જૂન): સમુદ્રમંથનની પૌરાણિક કથા. ૩. કૃષ્ણાની કથાવ્યથા  (જ.દી.નવેમ્બર દીપોત્સવી વિશેષાંક-૨):  દ્રૌપદીની વ્યથાકથા. પૌરાણિક કથા.

પ્રવીણસિંહ ચાવડા: ૧. આકાશ બતાવું (ન.સ.મે): રેખાચિત્ર  ૨. યદુકાન્તની પુત્રીઓ (ન.સ.ઓક્ટોબર-દીપોત્સવી): પિતાનો આધાર બનતી એક પુત્રીની વાત.  

પ્રવીણ દરજી: અમે અક્કરમી: (જ.દી.જુલાઇ-હાસ્યકથા વિશેષાંક): એક અક્કરમીની એકોક્તિ.

પ્રવીણ શાસ્ત્રી: આત્મા, ભૂત કે ભ્રમણા? (મમતા, ડિસેમ્બર): કલાપીની કવિતાના ચાહક ધરમસિંહ પોતાને સૂરસિંહ સમજવા લાગ્યા. પોતે  કલાપી હોવાની ભ્રાંતિ થઇ ગઇ.

પાયલ શાહ: એક ડગલું આભ ભણી (મમતા, ડિસેમ્બર): માબાપને દત્તક લેતા યુવાન દંપતીની વાત.   

પ્રીતિ સેનગુપ્તા: નકામી બધી ચીજો (શબ્દસૃષ્ટિ, ઓગસ્ટ):  પતિના મૃત્યુ પછી જૂની ડાયરી હાથ લાગે છે. ભૂતકાળની યાદો.

પ: લેખકો:૧૮, વાર્તાઓ: ૩૨

###

(યાદી અપૂર્ણ)